Kanceri në tru është një nga format më vdekjeprurëse të kësaj sëmundjeje. Pavarësisht avancimit të mjekësisë vitet e fundit, ai mbetet një nga sëmundjet më të vështira për t’u trajtuar.
Një studim i kryer nga “Yale Cancer Center” ka arritur në përfundimin se ato që nisin si formacione tumori beninj në tru, me kalimin e kohës shndërrohen në malinje.
Skuadra e studiuesve e drejtuar nga neurokirurgu Murat Günel zbuloi mekanizmin që bën të mundur këtë transformim, zbulim që konsiderohet një hap përpara në mënyrën e trajtimit të kësaj sëmundjeje, transmeton shekulli.
Studimi është publikuar tri ditë më parë në “Nature Genetics”. Ai u fokusua tek rastet e 41 pacientëve, të cilët disa vjet pasi ishin diagnostikuar me tumor beninj në tru, u përballën me formën malinje të kësaj sëmundjeje.
