Ekonomi

Tenderi 6.9 milionë euro për rrugën Bresalc-Gjilan: Komuna kërkoi përvojë në ndërtimin e urave, por projekti nuk parasheh asnjë urë

20.10.2026 10:15
Rreshtat+- AShkronjat+- Print
Tenderi 6.9 milionë euro për rrugën Bresalc-Gjilan: Komuna kërkoi përvojë në ndërtimin e urave, por projekti nuk parasheh asnjë urë

Tenderi 6.9 milionë euro për rrugën Bresalc-Gjilan: Komuna kërkoi përvojë në ndërtimin e urave, por projekti nuk parasheh asnjë urë.

Komuna e Gjilanit ka lidhur kontratë në vlerë prej 6,897,710.81 eurosh për rehabilitimin dhe zgjerimin e rrugës N25.2, në segmentin Bresalc-Gjilan, përfshirë hyrjen në Gjilan. Megjithatë, në dokumentet e tenderit është përcaktuar si kriter për kualifikim profesional dhe teknik që operatorët ekonomikë të dëshmojnë përvojë në projekte të ngjashme, si dhe të kenë realizuar një projekt të ndërtimit të urave në vlerë prej së paku 3 milionë eurosh.

Kjo kërkesë është vendosur ndonëse në Projektin Ekzekutiv dhe Paramasën e kontratës nuk identifikohet ndërtimi apo rekonstruksioni i ndonjë ure. Dokumentet teknike e përshkruajnë projektin si rehabilitim dhe zgjerim të rrugës N25.2, ndërsa punët e parapara lidhen me infrastrukturën rrugore.

Kriteri është përcaktuar në Dosjen e Tenderit nën kërkesën për kapacitetin profesional dhe teknik.

Në dokument, Komuna ka kërkuar “1. Operatori ekonomik duhet të ofrojë dëshmi se ka përfunduar me sukses kontrata në vlerë min 7,000,000.00 Euro, kontrata të ngjajshme si (ndertimit, rehabilitimit, mirembajtje, rreshqiteza apo rikonstruktimit te rrugeve, mbrojtje lumore dhe perrojeve). Si dhe nje projekt te ndertimit te urave ne vlere jo me pak se 3,000,000.00 euro”.

Pra, përveç dëshmisë për përfundimin e kontratave të ngjashme në vlerë minimale prej 7 milionë eurosh, operatorëve ekonomikë u është kërkuar edhe një projekt të ndërtimit të urave në vlerë jo më të vogël se 3 milionë euro.

Në anën tjetër, Paramasa e projektit përfshin punë përgatitore dhe të gërmimit, heqjen e shtresave të dëmtuara, gërmimin dhe transportin e materialit, përgatitjen e nënshtresës, shtrimin e shtresave të zhavorrit dhe ngjeshjen e tyre. Në projekt janë paraparë edhe asfaltimi, shtresa bazë dhe shtresa përfundimtare e asfaltobetonit, skajorët e betonit, trotuaret, lëshesat gypore dhe sinjalistika horizontale e vertikale.

Po ashtu, dokumentacioni teknik përfshin punë të kanalizimit atmosferik, përfshirë vendosjen e tubave plastikë, ndërtimin e pusetave të betonit dhe vendosjen e kapakëve. Megjithatë, në materialet e analizuara nuk figurojnë punë që lidhen me ndërtimin e një ure të re ose rekonstruksionin e një ure ekzistuese.

Në Paramasë nuk identifikohen elemente tipike të punimeve të urave, si pilotat ose shtyllat e betonit, mbështetëset anësore apo të ndërmjetme betonarme, trarët e parafabrikuar, konstruksionet e çelikut, mbështetëset neopreni, elementet e veçanta të izolimit të urave apo fugat dilatuese.

Kontrata është zhvilluar përmes procedurës së hapur, ndërsa kriteri për dhënien e kontratës ka qenë çmimi më i ulët.

Njoftimi për kontratë është publikuar më 10 gusht 2026, ofertat janë hapur më 1 shtator, ndërsa njoftimi për dhënien e kontratës është publikuar më 15 shtator. Kontrata është nënshkruar më 18 shtator 2026 dhe ka kohëzgjatje prej 24 muajsh. Vlera e parashikuar e kontratës ishte 6,898,937 euro, ndërsa vlera përfundimtare e kontraktuar është 6,897,710.81 euro. Dallimi mes vlerës së parashikuar dhe asaj të kontraktuar është 1,226.19 euro.

Në procedurë kanë marrë pjesë gjashtë operatorë ekonomikë, por sipas njoftimit zyrtar për nënshkrimin e kontratës, vetëm një ofertë është konsideruar e përgjegjshme. Kontrata i është dhënë grupit të operatorëve ekonomikë Dio Bes SH.P.K. dhe EUROKOS HOLDING SH.P.K. nga Ferizaj.

Kërkesa për përvojë në projekte të ngjashme nuk ishte kufizuar vetëm në ndërtimin e rrugëve. Dokumenti kërkonte përvojë në ndërtim, rehabilitim, mirëmbajtje, rrëshqitëza, rikonstruktim të rrugëve, mbrojtje lumore dhe përrojesh, ndërsa krahas kësaj kërkohej veçmas edhe një projekt i ndërtimit të urave në vlerë prej së paku 3 milionë eurosh.

Ligji për Prokurimin Publik përcakton parimet e trajtimit të barabartë dhe mosdiskriminimit të operatorëve ekonomikë. Kërkesat për kapacitetin teknik dhe profesional, sipas ligjit, duhet të lidhen me objektin e kontratës dhe të jenë të arsyeshme në raport me punët që kërkohet të realizohen.

Për këtë tender, nga dokumentet e analizuara nuk del një punë konkrete që do ta lidhte kontratën me ndërtimin ose rekonstruksionin e urave.

Paramasa dhe Parallogaria_N 25.2_Hyrja Gjilan_1- pa cmime

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com


Kryeministri Kurti pritet në takim nga Presidenti i Francës, Macron

Kryeministri Kurti pritet në takim nga Presidenti i Francës, Macron

Kamberi: Ka një tendencë të Osmanit për ta marrë flamurin e opozitarizmit brenda LDK-së

Kamberi: Ka një tendencë të Osmanit për ta marrë flamurin e opozitarizmit brenda LDK-së

Hoxha në Budapest: Hungaria mbështet integrimin e Shqipërisë në BE

Hoxha në Budapest: Hungaria mbështet integrimin e Shqipërisë në BE

Osmani godet VV-në: Oligarkët po ju kontrollojnë – hajni poshtë, hajni nalt

Osmani godet VV-në: Oligarkët po ju kontrollojnë – hajni poshtë, hajni nalt

Sorensen takohet me Kurtin në Paris: Folëm për rrugën përpara të dialogut

Sorensen takohet me Kurtin në Paris: Folëm për rrugën përpara të dialogut

Tahiri: Raporti i Komisionit Evropian nuk është dokument i opozitës, por vlerësim i progresit të Kosovës

Tahiri: Raporti i Komisionit Evropian nuk është dokument i opozitës, por vlerësim i progresit të Kosovës

Osmani kërkon rikthimin e fotografisë së Rugovës: Vendosja e saj në një qoshe të errët, përballë tualeteve, e çnderon Republikën

Osmani kërkon rikthimin e fotografisë së Rugovës: Vendosja e saj në një qoshe të errët, përballë tualeteve, e çnderon Republikën

Haradinaj: Heronjtë amerikanë janë edhe heronj të Kosovës

Haradinaj: Heronjtë amerikanë janë edhe heronj të Kosovës

Kurti në Asamblenë Kombëtare të Francës, kërkon mbështetjen e Parisit për statusin e kandidatit në BE

Kurti në Asamblenë Kombëtare të Francës, kërkon mbështetjen e Parisit për statusin e kandidatit në BE

Murati arsyetohet për inflacionin: Shkaktarë janë lufta në Ukrainë dhe bllokada në Ngushticën e Hurmuzit

Murati arsyetohet për inflacionin: Shkaktarë janë lufta në Ukrainë dhe bllokada në Ngushticën e Hurmuzit

Kurti për fitoren e Listës Studentore në Serbi: Uroj që ta pranojnë realitetin, testi i parë është njohja e pavarësisë së Kosovës

Kurti për fitoren e Listës Studentore në Serbi: Uroj që ta pranojnë realitetin, testi i parë është njohja e pavarësisë së Kosovës

Çitaku me detajet shokuese të aktgjykimit të Speciales: Veç dy paragrafë prova dhe dëshmitarë

Çitaku me detajet shokuese të aktgjykimit të Speciales: Veç dy paragrafë prova dhe dëshmitarë

Shtëpia e Bardhë e nominon Mikhail Bogachek për Ambasador në Kosovë, emri i shkon në Senat për konfirmim

Shtëpia e Bardhë e nominon Mikhail Bogachek për Ambasador në Kosovë, emri i shkon në Senat për konfirmim

Rama në Paris: Kosova është e pavarur, nuk ka asnjë mënyrë për ta kthyer në një fantazi serbe

Rama në Paris: Kosova është e pavarur, nuk ka asnjë mënyrë për ta kthyer në një fantazi serbe

Koalicion PDK-VV? Mustafa thotë se u takua me Kurtin: Gjeti kohë me dëgju

Koalicion PDK-VV? Mustafa thotë se u takua me Kurtin: Gjeti kohë me dëgju

Nga dje nuk lëviz as treni Prishtinë–Pejë, Kurti u flet francezëve për hekurudhat e Kosovës

Nga dje nuk lëviz as treni Prishtinë–Pejë, Kurti u flet francezëve për hekurudhat e Kosovës