Një turist gjerman gjeti vdekjen teksa po përpiqej të bënte një “selfie” fluturuese në vendin e lashtë të Machu Picchu në Andet e Perusë. Oliver Park, 51-vjeç, përfundoi në një greminë, teksa u ngjit në murin anësor për të bërë foton.

Ai nuk mori parasysh tabelat e sigurisë dhe u përpoq të kërcente në ajër për të bërë foton, por fatkeqësisht gjithçka ishte fatale për të.

Trupi i tij u gjet në një humnerë dhe u dërgua në stacionin e policisë fillimisht për t’u transportuar më pas për në morgun e qytetit Cusco.

Në mars të vitit të shkuar, një turist britanik u arrestua pasi tentoi të bënte një foto krejtësisht zhveshur në vendin historik.