Hulumtimi i ri i shkencëtarëve nga Gjermania zbulon se stresi mund të ndikojë në masë të madhe në shpeshtësinë dhe intensitetin e dhimbjeve të kokës.
Në studimin, i cili zgjati dy vjet, shkencëtarët e kanë studiuar nivelin e stresit, shpeshtësinë dhe intensitetin e dhimbjeve të kokës në më shumë se 5.000 të rritur.
Pjesëmarrësit e plotësuan një pyetësor që përfshinte pyetje rreth shprehive të jetesës së tyre, mënyrës se si përballen me stresin, sasinë e stresit me të cilën përballen, shpeshtësinë dhe intensitetin e dhimbjeve të kokës.
Rezultatet e hulumtimit treguan se sa më shumë që pjesëmarrësit ishin nën stres, ata kishin më shumë probleme me dhimbje koke.
Shkencëtarët nuk e kanë krejtësisht të qartë lidhjen në mes të niveleve të stresit dhe shpeshtësinë dhe intensitetin e dhimbjeve të kokës, përcjell “Prevention”.
“Ky nuk është studimi i parë që ka treguar se stresi dhe dhimbja e kokës janë të lidhura”, tha udhëheqësja e studimit, prof. Sarah Schramm, duke shtuar se “të gjithë tashmë e dimë se stresi ka një ndikim të rëndësishëm në shëndetin e përgjithshëm të organizmit, kështu që është e mundur që ai shkakton dhimbjen e kokës”.
Hulumtuesit vunë në dukje se rezultatet e kërkimit janë preliminarë dhe se duhet kryer një vlerësim nga ekspertë të jashtëm.
