Disa muaj më parë, teksa ndodhej për peshkim me miqtë e tij, u sulmua befasisht nga një tigër, që nuk ja doli mbanë t’i marrë jetën, por e shpërfytyroi përgjithmonë.
Hashmot Ali, nga jugu i Bangladeshit zbuloi për herë të parë fytyrën e vet që pas sulmit. Pamjet janë vërtet të rënda. Atij i mungon thuajse gjysma e fytyrës, pasojë e sulmit.
Si të mos mjaftonte sulmi i kafshës së egër, Ali vuan tashmë edhe paragjykimet e fshatit ku jeton. Baba i tre fëmijëve, ai thotë për mediat indiane se druhet që vajza e tij nuk do të arrijë të gjejë një burrë dhe gjithçka për fajin e tij.
Tigri e sulmoi atë në momentin kur Ali po flinte në varkë. Felini i shkuli gjysmën e fytyrës vetëm me një të kafshuar, ndërsa u përpoq ta tërhiqte atë më vete, por u tremb nga grupi tjetër i peshkatarëve që ndodheshin me të.
Kur mbërriti në spital, mjekët i thanë se nuk mund të bënin asgjë për riparimin e fytyrës së tij dhe vendosën t’i mbyllnin plagët. Ali shpreson që një ditë të kryejë një operacion plastik, megjithëse është i vetëdijshëm që kushton shumë.
/tch
