Edhe pse janë krijuar disa aplikacione për mesazhe në telefonat inteligjentë, Samsung e ka ndier të nevojshme që të krijojë edhe një aplikacion të vetin për mesazhe, që e ka quajtur Socializer Messenger. Sipas Samsung-ut, ky aplikacion i ri do të çojë komunikimin nga pajisjet mobile “në një tjetër nivel”, nëpërmjet veçorive dhe përmbajtjeve të reja.
Aplikacioni është bazuar tek një burim i hapur i projektit Telegram për Android, që lejon aplikacionet në ueb të shpërndahen pa pasur nevojë që të shkarkohen ose të instalohen.
“SWAP sjell informacione të ndryshme nga dyqanet e aplikacioneve në ueb, aplikacioneve në ueb dhe messenger,” deklaroi Kyung-Eun Park, inxhinier i kompanisë që është marrë me këtë projekt.
Kjo veçori ju lejon të kërkoni më lehtë aplikacione të reja që ju dhe miqtë tuaj mund të përdorni. Këto aplikacione nuk kanë nevojë që të instalohen dhe ato funksionojnë direkt nga kutia e bisedave. Është një aplikacion unik për të komunikuar me të tjerët dhe për të luajtur.
Social Messenger mund të shkarkohet falas tek pajisjet Android nëpërmjet Google Play Store.
