Rekordet janë bërë për t’u thyer, por kur atë e bëjnë emra legjendarë, ato marrin një vlerë më të madhe.
Portieri i Juventusit Gigi Buffon është vetëm 3 minuta larg një rekordi historik në futbollin italian, për minutat pa pësuar gol. Edhe në ndeshjen e fundit në kampionat, atë kundër Sassuolos, mbrojtësi ekstrem i bardhezinjve e ruajti të paprekur portën, duke e çuar rekordin në 926 minuta pa pësuar gol në Serie A.
Për herë të fundit Buffon ka pësuar gol në Serinë A në ndeshjen me Sampdorian, më 10 janar, kur Cassano shënonte në portën e tij në minutën e 64-t të takimit, transmeton Infosot. Me këtë qëndresë, Buffon ka kapërcyer një tjetër legjendë të Juves, Dino Zoff, i cili në sezonin 1972-73 e ruajti portën të paprekur për 903 minuta.
Emri për t’u mundur nga Buffon është ai i Sebastiano Rossit, ish-portierit të Milanit, që vendosi rekordin e tij me 929 minuta.
Ndeshja e radhës për juventinët është derbi me Torinon, të dielën e ardhshme. /Infosot
