Asus sapo nxori në treg laptopin që kishte synim konkurronte Macbook nëpërmjet ekranit “Retina”, çmimit, parametrave dhe përmasave fizike.
Zenbook 3 ka ekran 12″ të mbuluar me Gorilla Glass 4, procesor Intel Core i7, 1 TB hard disk dhe është 11.9 milimetra i trashë dhe 910 gramë. MacBook ndërkohë është 13.1 mm, 920 gram, dhe MacBook Air është 17 mm.
Zenbook 3 vjen gjithashtu me 16 GB RAM me shpejtësi 2133 MHz dhe me një bateri 40Wh Li-Polymer që mund të zgjasë 9 orë me përdorim normal, sipas prezantimit.
Karikimi i bëhet me një portë USB, dhe për shkak se është i hollë, ka vetëm një portë USB tjetër, dy në total. Për këtë arsye Asus ofron dhe një përshtatës USB-C Universal që ka disa porta USB, HDMI, VGA dhe për karta SD.
Ekrani është LED dhe laptopi ka sensorë që njeh shenjat e gishtave. Për versionin me procesor i5 dhe hard disk SSD 512 GB, çmimi nis me 1500 dollarë. Versioni me Core i7 dhe 1 TB kushton 2000 dollarë.
/ Top Channel
