Modelja shqiptare, Angela Martini e cila është duke bërë prej vitesh karrierë në Amerikë, është diskutuar gjithnjë për lidhjet dhe marrëdhëniet e saj me meshkujt.
Në një intervistë për revistawho,com Martini është shprehur se preferon meshkujt më vegjël në moshë. “Fakt është që të gjithë të dashurit e mi janë më të rinj ose moshatarë me mua, më i madhi me të cilin kam pasur një marrëdhënie ka qenë 36 vjeç. Ajo që më tërheq më shumë është kur një mashkull di si të trajtojë, dashurojë dhe respektojë një femër”, thotë Martini.
E pyetur nëse e ka ndjerë ndonjëherë veten të përdorur seksualisht nga meshkujt, ajo thotë. “Jo, sepse unë i njoh shumë mirë meshkujt. Mendoj që unë kam lindur për të pasur në kontroll çdo situatë. Nëse i jap dikujt mundësi të më afrohet, e bëj sepse më intereson dhe sigurisht që ai bie në dashuri me mua”.
