Ndoshta do t’ju duket çudi nëse do t’u thoshin se e keni gatuar gabim orizin deri tani.
Kur është formuar një shtresë orizi e trashë me ngjyrë kafe në fund të tenxheres, kemi menduar se kemi përdorur gabim raportin e ujit me orizin. Por një ekspert i gatimit na sjell shkencën në kuzhinë për të shpjeguar se si ta gatuajmë orizin sa më mirë. Çelësi sipas tij është të minimizohet avullimi.
Jemi mësuar që raporti ujë/oriz të jetë gjithmonë 2/1, por jo gjithmonë orizi gatuhet në mënyrë perfekte. Business Insider raporton se për të gjetur një zgjidhje është krijuar një eksperiment se sa duhet të jetë ky raport.
Ekipi përfshin edhe Dan Souza, kryeredaktorin e “Cook’s Illustrated” nga America’s Test Kitchen, dhe një prej autorëve të librit “Shkenca e një gatimi të mirë”. Ata vendosën dy qese të mbushura me një filxhan ujë dhe një filxhan oriz në ujë të valuar. Me këtë metodë u desh vetëm një filxhan ujë për të gatuar në mënyrë perfekte një filxhan oriz.
Eksperimenti është i vlefshëm si për orizin kokërgjatë, orizin kaf, orizin e bardhë etj. Përgjigja e këtij eksperimenti të vogël, sipas Souza ka të bëjë me mënyrën e avullimit. Qeset e përdorura eleminonin avullimin, ndërsa tenxherja që përdorni në shtëpi lejon largimin e sa më shumë avujve.
“Nëse keni jnë tenxhere me një kapak jo shumë të mirë, do të keni më shumë avullim. Nëse puthitet mirë, do të keni më pak avuj”, thotë Souza për BI. Mënyra ideale për të kufizuar në total avullimin, pse jo dhe një tenxhere, do ta gatuante më mirë orizin.
Pra, për të bërë orizin perfekt, Souza thotë se duhet të merren parasysh kushtet në të cilat gatuhet. Për shembull, diametri i tenxheres, përmasat e kapakut, dhe sa herë e hiqni kapakun.
