Gjiganti automobilistik “Bayerische Motoren Werke AG” – “BMW” më 7 mars mbushi 100 vjet që prej themelimit.
Për nder të 100-vjetorit kompania shpalosi konceptin e ri të quajtur “Vision Next 100”, që është i përbërë nga 800 trekëndësha që bashkëveprojnë duke përcjellë lëvizjet e shoferit, shkruan sot “Koha Ditore”. “Vision Next 100” është krijuar mbi teknologjitë më të reja vetëm për të treguar se kompania planifikon të bëjë revolucion në vitet e ardhshme.
Por, ky nuk është koncepti i parë revolucionar dhe më i rëndësishmi në historinë e bujshme të kompanisë. “BMW”, që ishte e fuqishme në motorët e aeroplanëve, dhe gjatë historisë së saj ka krijuar disa automobila ikonikë.
“TopGear” ka krijuar një listë të disa prej koncepteve, në mesin e shumë të cilësuarave si të veçanta, të cilat i ka vlerësuar si më të mirat në historinë 100-vjeçare të kompanisë.
1972: BMW E25 Turbo
Modeli “E25 Turbo” është paraardhësi i modelit të njohur BMW M1. Ai ishte krijuar për Olimpiadën verore të Munihut më 1972. Dizajni i krijuar nga Paul Bracq më pas gjeti rrugë edhe tek M1, 8-Series dhe tek modeli Z1…
