Temperatura shpesh ndodh nga një infeksion viral, siç është gripi, ose nga një infeksion bakterial. Mund të konsiderohet edhe si një shenjë e mirë që trupi është duke luftuar infeksionin. Temperatura mund të ndodhë gjithashtu si pjesë e një reaksioni alergji-k ndaj disa ilaçeve, siç janë disa nga antibiotikët. Temperatura normale e trupit është rreth 37° C kur matet nga goja. Temperatura e matur në sqetull është pak më e ulët. Tek fëmijët, temperatura 38° C ose më sipër konsiderohet e lartë.
Pjesa më e madhe e temperaturave largohen pa asnjë trajtim, por ndërkohë që ato janë prezente, simptomat janë:
-Dhimbje muskujsh;
-Të ndjerit të nxehtë dhe të djersitur;
-Humbje oreksi;
-Irritim;
-Të ngjethura.
-Kontaktoni farmacistin ose mjekun
Nëse personi me temperaturë ose dhimbje është një fëmijë, veçanërisht një foshnjë;
-Nëse temperatura është e lidhur me një ngurtësi të qafës, dhimbje koke, ndjeshmëri ndaj dritës, irritim dhe të vjella;
-Nëse keni një temperaturë mbi 39° C;
-Nëse nuk ndiheni mirë ose jeni letargji-k;
-Nëse temperatura juaj është e lidhur me dhimbjen, dhimbjen konstant-e të fytit dhe skuqjen;
-Nëse jeni duke djersitur shumë gjatë natës;
-Nëse keni diarre veçanërisht nëse jeni duke udhëtuar jashtë, pasi kjo mund të jetë shenjë infeksioni;
-Nëse temperatura juaj ka zgjatur më shumë se 48 orë (tek të rriturit), shfaqet përsëri ose nuk shërohet me anën e ilaçeve;
-Nëse merrni ilaçe të tjera; ndonjëherë temperatura mund të përcaktojë një efekt anësor serioz;
-Nëse jeni shtatzënë ose ushqeni me gji; duhet të shmangni disa ilaçe;
-Nëse keni një gjendje tjetër mjekësore;
-Nëse keni alergji nga medikamentet.
Këshilla mbi trajtimin
-Një dush i ftohtë është i mirë për uljen e temperaturës, mos vendosni foshnjet në ujë të ftohtë;
-Mos përdorni shishet me ujë të ngrohtë ose batanijet elektrike; vishni rroba të lehta;
-Pini sa më shumë ujë ose lëngje pasi temperatura mund të shkaktojë dehidratim;
-Mateni temperaturën rregullisht; sigurohuni që dini ta përdorni termometrin;
-Kur masni temperaturën në gojë, prisni të paktën 10 minuta pas të ngrënit të ushqimeve të ngrohta ose të ftohta dhe mateni përpara se të merrni ilaçet;
-Termometrat dixhital janë përdorur tek fëmijët pasi ato përfaqësojnë një teknikë të mirë për të marrë një rezultat të saktë.
