Pas shumë raportimesh dhe pritjesh, Chelsea ka zyrtarizuar transferimin e Gonzalo Higuain.

31-vjeçari i është bashkuar Bluve nga Juventusi në formë të huazimit deri në fund të sezonit. Në gjysmën e parë të sezonit argjentinasi ishte i huazuar te Milanit.

Ai shënoi në Serie A tetë gola këtë sezon në kampionatin elitar italian dhe dhuroi një asistim.

Welcome to London and welcome to Chelsea, @G_Higuain! 🙌#HiguaIN pic.twitter.com/DMJN7z8YOL

— Chelsea FC (@ChelseaFC) January 23, 2019

‘Pipita’ ishte dëshira e madhe e ish-trajnerit të tij, Maurizio Sarri, me të cilin punoi te Napoli, ku në sezonin 2015/16 ishte golashënuesi më i mirë i ligës me 36 gola.

Në të kaluarën lojtari është paraqitur edhe për Real Madridin, ndërsa karrierën e filloi te River Plate.

Ai është paraqitur edhe për Përfaqësuesen e Argjentinës, në 75 ndeshje ka arritur të shënojë 31 gola.

Me ardhjen e Higuain me shumë mundësi një nga Alvaro Morata dhe Olivier Giroud do të largohen. /Telegrafi/