Lëvizja Vetëvendosje, ka shpejguar rrjedhën e incidentit të sontëm tek selia e këtij subjekti politik, duke dmenatuar një version të publikuar nga një portal.
“Njëri nga djemtë e Sabit Gecit e parkoi makinën BMW saktësisht në hyrje të zyrës së Vetëvendosjes (siç shihet në foto), duke e bllokuar derën. Me të dalur nga makina ai ka filluar t’i kërcënojë dhe fyej verbalisht dy aktivistët e Lëvizjes që ishin para zyrës. Në atë moment kanë ardhur edhe 4 persona të tjerë të armatosur me revole dhe me thikë dhe kanë filluar të godasin aktivistët dhe i kanë therrur dy nga ta”, thuhet në sqarimin e Lëvizjes Vetëvendosje.
“Me të dëgjuar zhurmën, nga zyra kanë dalur edhe aktivistët e tjerë dhe i kanë larguar sulmuesit. Në atë moment ka arritur Policia e Kosovës. Kjo e fundit ka arrestuar 2 djemtë e Sabit Gecit, Alban dhe Kushtrim Gecin, ndërsa 3 sulmuesit e tjerë kanë ikur”, thuhet në sqarimin e VV-së.
