Ushtruesja e detyrës së presidentes së vendit, Albulena Haxhiu ka reaguar pasi LVV-ja dhe LDK-ja, kanë arritur marrëveshje për kandidatin për president.
Haxhiu, përmes një postimi në profilin e saj në rrjetin social Facebook, ka shkruar se dakordimi i sotëm është një hap shumë i rëndësishëm drejt tejkalimit të ngërçit dhe funksionalizimit të plotë të institucioneve.
Postimi i saj i plotë:
E mirëpres marrëveshjen e arritur sot ndërmjet Lëvizjes VETËVENDOSJE! dhe Lidhjes Demokratike të Kosovës për kandidatin për President të Republikës.
Dakordimi i sotëm është një hap shumë i rëndësishëm drejt tejkalimit të ngërçit dhe funksionalizimit të plotë të institucioneve.
Tani është me rëndësi që ky proces të përmbyllet në Kuvend, me përgjegjësinë që kërkon momenti dhe interesi i Republikës.
