2015-a ka qenë një vit i bukur për çiftin Vesa Luma dhe Big Basta. Pas një lidhjeje diavjeçare, ata të dy e kanë kurorëzuar në martesë marrëdhënien e tyre në shtator dhe pak javë më pas kanë bërë public edhe lajmin që së shpejti do të bëhen prindër.
Tani që Vesa i ka kaluar 5 muajt e parë të shtatzënisë, shpeshherë ndan me miqtë në rrjetet sociale edhe emocionet e pritjes së ëmbël. Por kjo ndjeshmëri prindërore nuk ka përfshirë vetëm Vesën. Edhe bashkëshorti i saj, Big Basta, është po aq i lumtur për këtë periudhë të jetës. Pak para se ky vit të mbarojë, Bigu ka postuar një foto në Instagramin e tij, së bashku me një dedikim për njeriun e jetës: “Sa herë shkruaj diçka për ty, marr mesazhe ankesa nga njerëzit që futen në sherr me të dashurit e tyre! Foto sa 1000 fjalë dhe eventi më i bukur i jetës sime që ndodhi në 2015-ën! Love u!” – i shkruan Big Basta Vesës.
