Nga emri tingëllon si diçka ekzotike që të sjell ndërmend geishat e bukura dhe luftëtarët samurai, por çaji xhingseng (ginseng)është krenari e Kinës dhe jo e Japonisë.
Përtej debateve të origjinës, çaji xhinseng është i njohur në të gjithë botën për vlerat e mëdha shëndetësore në frenimin e kancerit, luftën kundër obezitetit, përmirësimin e tretjes, fuqizimin e sistemit imunitar, përmirësimin e shëndetit të trurit, luftën kundër astmës, lehtësimin nga problemet menstruale për femrat, artritit dhe shërimin e sëmundjeve seksuale.
Në Shqipëri xhinseng ka një traditë përdorimi që nga periudha e pushtimit otoman.
Duke qenë më pranë rrugëve detare të Azisë, otomanët e sollën edhe në vendin tonë ritin oriental të konsumimit të xhinsengut, gjithmonë si një kurë mjekësore. Çaji i xhinseng përdoret edhe i ftohtë duke e bërë një nga llojet që konsumohet në çdo stinë. Vlerat e xhinsengut janë të mëdha, por edhe çmimi i rrënjëve të kësaj bime është mjaft i shtrenjtë.
Ky çaj magjik vjen nga një pemë shumëvjeçare që nuk shuhet kurrë. Të gjithë vlerat e rëndësishme të xhinsengut vijnë për shkak të disa përbërësve të fuqishëm të njohur si “ginsenoides” që gjenden tek rrënja e bimës. Ekskluziviteti i mbjelljes së bimës së xhinsengut nuk i mbetet vetëm Kinës. India, Japonia dhe shumë vende perëndimore e kultivojnë çajin e xhinsengut. Shtetet e Bashkuara janë gjithashtu eksportues të çajit të xhinsengut drejt vendeve Aziatike dhe Evropiane.
Kërkimet shkencore kanë treguar që përveç vlerave anti-kancerogjene, xhinseng mban nën kontroll edhe diabetin. Vlerat e xhinsengut Konsumimi i xhinsengut bëhet përmes zierjes së rrënjës së kësaj bime. Duhen 2-3 gramë rrënjë për një kupë çaj ose 1 lugë e vogël pluhur nëse e keni të bluar rrënjën magjike. Çaji xhinseng konsiderohet një nga suplementët më të shëndetshëm bimor në mbarë botën. Ekzistojnë tre lloje çajrash xhinseng: Amerikan, Aziatik dhe Siberian. Të tre këto lloje i bëjnë mirë shëndetit të njeriut. Këto çajra kanë efekt shërues për një sërë problemesh si më poshtë:
-Tensioni i ulët i gjakut.
Çaji Xhinseng nga Azia është shumë i fortë. Ky çaj është shumë efikas për njerëzit që vuajnë nga tensioni i ulët i gjakut. Kjo pije energjike të mban shumë aktiv dhe mund të qëndrosh në këmbë gjithë ditën. Çaji rrit tensionin e gjakut dhe të jep energji.
– Ushqen trurin.
Çaji xhinseng është një pije medicinale që shërben si stimulues për qelizat e trurit. Përmiërson përqendrimin dhe funksionimin e trurit. Prandaj, ky çaj është plotësisht i rekomandueshëm për studentët.
-Lufton obezitetin.
Nëse dëshiron të humbasësh në peshë, çaji xhinseng është zgjedhja e duhur. Ky çaj shuan urinë dhe hollon trupin duke fuqizuar ritmin metabolik dhe djegien e yndyrnave në një ritëm shumë të shpejtë.
-Ndihmon me çrregullimet seksuale.
Meshkujt me probleme të tilla duhet të konsumojnë çaj xhinseng sepse redukton simptomat e këtyre çrregullimeve.
-Problemet menstruale:
Çaji Xhinseng i Amerikës ka efekt lehtësues. Rekomandohet për të rinjtë dhe gratë që vuajnë nga simptomat menstruale dhe stresi. Ky çaj redukton dhimbjet e stomakut si pasojë e menstruacioneve.
-Lufton kancerin: Xhinseng është i pasur me elementë që luftojnë kancerit. Studimet kanë treguar që njerëzit që pijnë çaj xhinseng janë më pak të rrezikuar nga kanceri. Edhe ekspertët e mjekësisë këshillojnë konsumimin e këtij çaji për të eliminuar rrezikun e rritjes së qelizave kancerogjene në organizëm. E megjithatë, si në rastin e çdo produkti tjetër edhe me xhinsengun nuk duhet tepruar. Konsumimi për shumë kohë të gjatë i këtij çaji çon në pagjumësi dhe çrregullime të zemrës. Përpara se të vendosësh të konsumosh çajin çdo ditë duhet të konsultohesh me një mjek. /AgroWeb.org/
