Lakohet shpesh në media si një nga njerëzit më të pushtetshëm dhe më të pasur të politikës dhe ndoshta pakkujt do i kishte shkuar në mendje se mund ta shikonte kreun e Kuvendit, njëherazi kreun e LSI Ilir Meta në këtë plazh publik.
Ilir Meta, bashkëshortja e tij Monika Kryemadhi, ish kandidati për bashkinë e Lezhës Viktor Tushe, deputeti i Lezhës Gjovalin Kadeli dhe miku i tij ish drejtor i burgjeve dhe eksponent i PS Ramadan Hasani janë fotografuar në Shëngjin.
Çifti Meta-Kryemadhi duken mjaft në formë të mirë fizike ndërsa bie në sy fakti që Iliri ka marrë më shumë ngjyrë lëkure se cilido tjetër, duke dëshmuar kështu edhe njëherë kujdesin që tregon për veten dhe dëshirën për të qenë gjithnje në formë. Të qetë, pa e vrarë mendjen se njihen nga të gjithë, personazhet e politikës marrin rreze e bisedojnë me njëritjetrin mes dhjetëra syresh./Newsbomb
