Lajmet e fundit thonë se Facebook do të lansojë një dyqan virtual të quajtur “Bot Store” për aplikacionin Messenger, në konferencën e ardhshme të zhvilluesve që do të mbahet në prill.
Konferenca, e krijuar për zhvilluesit të cilët krijojnë produktet e tyre për Facebook, është bërë tashmë vendi ku rrjeti social prezanton ndryshime të rëndësishme si ridizajnimi i faqes, ndryshimi i butonit ‘Like’ dhe më shumë.
Nëse ‘Bot Store’ lansohet në konferencën e këtij viti, do të shkaktonte një ndryshim të madh në botën e teknologjisë – ngjashëm siç kishte bërë App Store i Apple më 2008.
‘Bot Store’ do t’i lejojë përdoruesit që të shkarkojnë programe të ndryshme të cilat mund të bashkëveprojnë me Messenger.
Ky ndryshim në Messenger do t’i zëvendësonte shfletuesit dhe aplikacionet, duke sjellë gjithçka së bashku në një aplikacion.
