HTC po punon për krijimin e telefonit të ri inteligjent të serisë HTC One. Sipas llogarisë së famshme në Twitter, @evanleaks, pajisja e ardhshme e HTC-ës do të quhet vetëm HTC 10, që do të thotë se marka “One M” nuk do të ekzistojë më. HTC ka shfaqur një foto të telefonit të ri me hashtagun “#Powerof10.”
Evan Blass ka zbuluar gjithashtu në llogarinë e tij të famshme në Twitter se HTC 10 do të prezntohet më 19 prill. “Nëse nuk ishte e qartë, do t’ju them se e marta e 19 prillit – data në ekran – tregon lançimin e HTC 10,” shkroi ai në Twitter.
HTC 10, ose One M10, thuhet se do të ketë ekran 5.1 inç QuadHD AMOLED, procesorin Qualcomm Snapdragon 820 me 4GB RAM, 16/32/64 GB dhe sistemin operativ Android 6.0.1 Marshmallow. Telefoni pritet të ketë edhe një skaner për gjurmët e gishtave dhe, sipas shefit financiar të HTC-ës, Chialin Chang, një kamerë shumë sfiduese.
“Mund të themi me shumë besim se HTC do të ketë një kamerë shumë, shumë sfiduese,” tha Chang gjatë Kongresit Botëror të Telefonave 2016.
