Henry Cejudo ka arritur të triumfojë në përballjen kryesore të UFC 233, pasi e nokautoi për vetëm 32 sekonda rivalin e tij, T.J. Dillashaw.

Cejudo ishte i papërmbajtshëm qysh në start.

Momenti i nokautit, Foto: Sarah Stier/Getty Images/Guliver

Secila goditje pati efekt te Dillashaë, i cili shpejt u gjunjëzua në duelin ku ishte përpjekja e tij për të siguruar titullin e dytë të UFC pasi kaloi në divizionin e kategorisë së lehtë.

Medalisti olimpik, Cejudo, nuk u ndal kur rrëzoi rivalin e tij duke lansuar një seri të grushteve pas nokautit, por gjyqtari ndali duelin.

Cejudo ishte i papërmbajtshëm, Foto: Sarah Stier/Getty Images/Guliver

Cejudo pas nokautit spektakolar deklaroi në ring se kjo fitore shkon për divizionin e kategorisë super të lehtë në UFC, pas spekulimeve se ky nivel i garave mund të shuhet.

Kështu dështon përpjekja e Dillashaw për të okupuar një divizon më të lehtë nga ku ai zakonisht ka bërë gara dhe u shpall kampion, me Cejudon që tregoi se është i pakonkurrencë në këtë kategori.

Foto: Sarah Stier/Getty Images/Guliver

UFC 233 u mbajt në Barclays Center të Brooklynit. Në vendin tonë ky duel u përcoll në platformën më të madhe televizive, IPKO.

/Telegrafi/