Paknaqësia e kosovarëve me zgjedhjen e argjentinasës Miss Kosova, po e shqetson bukuroshen Camila Barraza.
Shumë kosovarë përmes rrjeteve sociale, kanë shprehur paknaqësinë me zgjedhjen e argjentinases Miss Universe Kosova.
Për këtë është në dijeni edhe vet bukuroshja Barraza nga San Fernando i Argjentinës, e cila tashmë mban kurorën e me të bukurës kosovare.
Ajo për mediat argjentinase ka treguar se kosovarët janë të mllefosur me zgjedhjen e saj, dhe po e fyen dhe kërcënojnë.
“Njerëzit janë shumë të mllefosur dhe po më dërgojnë shumë ofendime në rrjetet sociale. Madje, kam frikë edhe për familjen time, atje në Argjentinë. Sa më përket mua, do të luftoj që shteti im ta njohë pavarësinë e Kosovës”, ka thënë 23 vjeçarja Barraza për revisten “Clarin” në Argjentinë, transmeton Magazina.al
Mediat në Argjentinë në artikullin për Camilën, kanë shkruar se Argjentina nuk e ka njohur pavarësinë e vetëshpallur të Kosovës nga Serbia dhe se një gjë e tillë nuk pritet të ndodh të pakten për një kohë.
