Apple pritet ta lansojë një iPhone të ri pas pak javësh. Dhe si zakonisht, gjithnjë e më shumë detaje po dalin online rreth celularit të ri.
Bloomberg deri më tani ka raportuar me më shumë saktësi rreth modelit të ri të Apple, pasi punësoi Mark Gurman nga Apple.
Bloomberg thotë se celulari do të jetë pothuajse i njëjtë me iPhone 6, përveç se tani celulari do të ketë një kamerë me lente të dyfishtë dhe një buton fizik më ndryshe, transmeton Gazeta Express.
Dhe po, sipas Bloomberg porti për kufje tashmë është vërtetuar se nuk do të jetë në iPhone 7.
Arsyeja pse Apple ka larguar portin e kufjeve në iPhone është që celulari të mund të bëhet më i hollë dhe që njerëzit t’i blejnë kufjet e reja “EarPods” të cilat do të ndahen me celularin përmes Bluetooth.
