Ishte periferia e futbollit francez. Por, tani, Parisi është shndërruar në epiqendrën që pritet të trondisë merkaton europiane dhe shkaktojë një revolucion në zonën e golit.
Sepse këtë herë PSG-ja do të dalë në pah jo vetëm për shifrat e saj stratosferike që do të vendosë në pjatë, por edhe për vlerën e lojtarëve, të gjithë futbollistë klasi, emrat e të cilëve qarkullojnë në rrugët kryesore të merkatos europiane.
Pasi u përshëndetën me Ezekiel Lavecin në janar, në verë klubi i sheikëve është gati për t’i dhënë lamtumirën edhe Zlatan Ibrahimoviçit (i skadon kontrata) dhe Edinson Kavanit: fundi i një epoke që mund të korrespondojë me nisjen e një cikli të ri me goditjet e shekullit.
Sipas “Corriere dello Sport”-it, presidenti i PSG-së, Naser Al-Khelaifi, ka përfshirë emrat e Nejmarit dhe Kristiano Ronaldos në projektin e tij të së ardhmes. Nejmar dhe CR7 Tek e ardhmja e Ibrës dhe Kavanit duhet ende edhe pak kohë për ta diskutuar.
Kështu që më mirë e nisim me ata që mund të vijnë në “Parc des Princes” ose më saktë, nga ata që sheiku Al-Thani do dëshironte të sillte të luanin në kopshtin e tij të artë në brigjet e lumit Senë. Emrat nuk mund të jenë përveçse dy, sepse, duke diskutuar goditjen e shekullit, duhet përjashtuar domosdoshmërisht emri i Lionel Mesit:
Kështu që bëhet fjalë për Kristiano Ronaldon dhe Nejmarin. Dy lojtarë klasi, por që njëkohësisht janë një investim afatmesëm dhe afatgjatë. Sepse për yllin e Realit të Madridit mund të bëhet fjalë për kontratën e fundit përpara asaj që do të mbyllte karrierën e tij në SHBA apo Kinë.
Ndërsa Nejmar është investimi afatgjatë, duke qenë se është vetëm 23 vjeç dhe është ende larg gjysmës së karrierës së tij gjithnjë e në ngjitje. Në sfond janë edhe një herë interesat e ngushta mes sportit dhe politikës: Katari i sheikëve është sponsori kryesor i Barcelonës dhe nuk do ta kishte problem që ta përdorte pikërisht këtë “levë”, për ta detyruar klubin katalanas që ta shiste yllin e saj…
