Zoti Hoti në një prononcim të tij na sugjeron ne bizneseve që para se të japim vlerësime për efektet në ekonomi të politikave fiskale është mirë të dalim në terren, të vizitojmë Klubin e Prodhuesve të Kosovës dhe të vizitojmë kompanitë që kanë marr autorizime për import të lëndës së parë pa TVSH.
Ndër të tjera z. Minsiter ri-radhite fakte bindëse, sipas tij për ndryshimet që kontribuakan në zhvillimin ekonomik të vendit!
Shkruan: Samir Krasniqi
Do të ishte mirë që së paku kur flasim për ekonomi, një lëmi shumë konkrete, të thirremi në argumente dhe mos përdorim gjuhën popullsitë siç ndodhë rëndom.
Efektet në ekonomi i ndjejnë bizneset dhe qytetaret dhe jo Ministri. prandaj bindjet e tij subjektive lidhur me efektet e reformave, nuk janë plotësisht relevante.
Bizneset nuk kanë nevojë të vizitojnë Klubin e Prodhueseve që të binden, se reformat tatimore ju sjellin atyre dobi. Përveç nëse Ministri reformat i ka bërë për një klub ose për ndonjë person të klubit që ne nuk qenkemi në dijeni!
Besoj që reformat janë për bizneset dhe konsumatorin dhe këta të dy dinë të vlerësojnë shumë mirë se çfarë kanë sjell ato, ngase jetojnë në Kosovë.
Zotëri Ministër, as unë nuk kam nevojë të vizitoj as Klubin e Prodhuesve dhe as ato firma që janë liruar nga TVSH-ja sepse drejtoj dhe përfaqësoj një biznes prodhues.
Nisur nga kjo të gjitha veprimet që ndërmerr qeveria e që prekin biznesin i ndjej sikur i ndjejnë të gjithë prodhuesit kosovarë.
Prodhuesi dhe konsumatori nuk është duke i ndjerë efektet pozitive siç i prezantoni ju!
Efektet që nxirrni nga ndryshimi i TVSH-së nuk qëndrojnë. Gabimi është në atë se si ju e pasqyroni TVSH-në.
Do të kisha kënaqësinë t’i debatonim një nga një pikat kryesore të Pakos Fiskale dhe të konstatonim së bashku disa efekte që interpretohen ndryshe nga ana teorike që e përfaqësoni ju dhe ndryshe nga ana praktike që në kë rast do e përfaqësoja unë.
Gjithnjë duke kontribuar në të mirë të përmirësimit të klimës së biznesit, forcimit të sektorit privat në veçanti prodhuesit kosovar dhe së fundmi në zhvillimin ekonomik të vendit që është synim i yni i përbashkët.
(Autori është president i Odës Ekonomike Gjermano Kosovare)
