Lëvizja Vetëvendosje ka reaguar lidhur me lajmin se aktivistë të kësaj lëvizje në komunë e Gjilanit kanë shfryer gomat e zyrtarëve komunalë të kësaj komune.
LVV përmes një reagimi për media ka thënë se ky aksion nuk është realizuar nga Vetëvendosje dhe se po vërehet dëshira e pushtetarëve për ta akuzuar VV-në për gjithçka.
Lexoni reagimin e plotë të VV-së:
Dëshira e madhe e pushtetarëve për ta akuzuar VETËVENDOSJE!-n për gjithçka, doli në pah edhe sot në rastin e shfryrjes së gomave të Lutfi Hazirit.
Ky aksion nuk është realizuar nga Lëvizja VETËVENDOSJE!. Çdo aksion ne e bëjmë në mënyrë publike dhe madje i ftojmë edhe mediet.
Lufta speciale ndaj VETËVENDOSJE!-s po bëhet nganjëherë me polici e nganjëherë me propagandë të pushtetit. Sidoqoftë, ne nuk e kemi ndërmend t’i ndalim veprimet tona për parandalimin e krijimit të “Zajednicës”.
