Një ngjarje tragjike ka ndodhur në këtë natë të ndërrimit të viteve. Një 16 vjecçar ka humbur jetën në Sanxhak te Kurbinit pasi kishte hipur ne tarracen e shtepise per te hedhur fishekzjarre. Familjaret e kane gjetur pa shenja jete me demtime ne koke. Policia ka nisur hetimet pee kete rast tragjik.
Njoftimi i policise
Me datë 01.01.2018, rreth 01:00 është marrë njoftim se në Spitalin Rajonal Laç, është dërguar nga familjarët pa shenja jete, shtetasi i mitur K.Gj. 16 vjeç, banues në Sanxhak – Kurbin.
Nga veprimet e para hetimore, ka rezultuar se ky shtetas ka hipur në tarracë të shtëpisë për të plasur fishekzjarre, dhe është gjetur më pas nga familjarët në tarracë , pa shenja jete me një dëmtim në kokë.
Pritet ekspertiza mjeko – ligjore për përcaktimin e llojit të dëmtimit në kokë.
Grupi hetimor në vendngjarje, në bashkëpunim me Prokurorinë e Rrethit Gjyqësor Kurbin , po vazhdojnë hetimet për zbardhjen e plotë të rrethanave të ngjarjes.
/Gazeta Express
