Diego Pablo Simeone nuk e fsheh ambicien e tij për të qenë trajner i Interit në të ardhmen. Tekniku i Atletico Madrid e shprehu këtë objektiv të tij për të ardhmen, në një intervistë për median italiane.
“Me Zanettin flas shpesh në telefon dhe nuk kam frikë ta pohoj, – tha Simeone. – Një ditë do të kthehem tek Interi, pasi si futbollist kam pasur kujtime shumë të bukura te kjo skuadër. Të qenit trajner i saj është një objektiv për mua”.
Diego Pablo Simeone e ka veshur fanelën e Interit për dy sezone; në 1997-’98 dhe në 1988-’99; duke fituar me zikaltrit Kupën UEFA, kur në pankinë ishte trajner Luigi Simoni. Argjentinasi ka luajtur 85 ndeshje gjithsej me Interin, duke shënuar 14 gola./tch/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
