Presidenti i Rusisë, Vladimir Putin, i ka dërguar ngushëllimet e tij të thella presidentit të Francës, Francois Hollande, dhe gjithë popullit francez, pas sulmeve terroriste që kanë goditur Parisin.
“Rusia dënon ashpër këtë vrasje çnjerëzore edhe është e gatshme që të ofrojë gjithë ndihmën e saj për hetimin e këtyre krimeve terroriste”, ka thënë Putin.
Nga sulmet terroriste, të premten mbrëma në Paris, janë vrarë 127 persona, transmeton rel.
Presidenti i Francës, Francois Hollande, ka fajësuar grupin militant të Shtetit Islamik, i cili ka pranuar përgjegjësinë.
