Ministri i Punëve të Brendshme, Xhelal Sveçla, ka njoftuar për një vizitë zyrtare që është duke zhvilluar në Itali, ku edhe është takuar me kreun e Komandës së Përgjithshme të Armatës së Karabinierëve, Andrea Taurelli Salimbeni.
Sveçla ka thënë se në këtë takim kanë diskutuar për aspektin e sigurisë në Kosovë dhe për angazhimin e karabinierëve italianë në Kosovë.
Ai ka thënë se kanë shkëmbyer edhe pikëpamjet as i përket planit për themelimin e Xhandarmërisë së Kosovës.
“Duke qenë se themelimi dhe zhvillimi i Xhandarmërisë së Republikës së Kosovës përbën një prioritet të Qeverisë, shkëmbyem pikëpamje mbi mundësitë e thellimit të bashkëpunimit, veçanërisht përmes shkëmbimit të përvojave dhe ekspertizës profesionale, me synim ndërtimin e kësaj komponente të rëndësishme të sigurisë sipas standardeve dhe praktikave më të mira”, ka shkruar Sveçla.
