Protestat në SHBA vazhdojnë, shefja e policisë së Atlantas jep dorëheqje

E publikuar: 14/06/2020 18:34
Rreshtat+- AShkronjat+- Printo

Shefja e policisë së qytetit Atlanta në SHBA ka dhënë dorëheqje pas vrasjes fatale të një njeriu afro-amerikan, të cilin e kishte zënë gjumi në makinën e tij përpara një restoranti.

Rayshard Brooks, 27 vjeç, ishte vrarë nga një polic gjatë konfliktit, kur restoranti thirri policinë ngase viktima kishte bllokuar rrugën, kanë thënë autoritetet.

Majorja e këtij qyteti Keisha Lance Bottoms tha se shefja e policisë, Erica Shields, e dorëzoi dorëheqjen të shtunën, shkruan BBC.

Protestuesit në Atlanta dolën në rrugë këtë fundjavë duke protestuar për dhunën policiore dhe vdekjen e Brook-ut.

Gjatë tre javëve të fundit, njerëzit përgjatë tërë SHBA-së kanë protestuar për shkak vdekjes së George Floydit, një afro-amerikani, gjersa po arrestohej nga policët, transmeton KOHA.

Në Minneapolis, ku vdiq George Floydi, këshilli i qytetit miratoi një rezolutë të premten, e cila do të shkëmben departamentin e policisë me një sistem të sigurisë që udhëhiqet nga vet komuniteti.

Në New York, Guvernatori Andrew Cuomo ka urdhëruar reforma të mëdha në departamentet e policisë. Ai gjithashtu ka thënë se do të ndalojë financimin e autoriteteve lokale që po dështojnë në zbatimin e reformave që kanë të bëjnë me përdorimin e tepruar të forcës dhe njëanshmërisë nga ana e departamenteve të policisë.

Presidenti Donald Trump të premten ka thënë se metoda e kapjes për fyti për të përmbajtur të dyshuarit duhet “pak a shumë” të ndalohet./Koha.net/