Sulmuesi spanjoll, Nolito është lojtari i dytë që është kontraktuar nga ekipi anglez, Manchester City, klub ky që tash është nën menaxhimin e Pe Guardiolas.
City e ka njoftuar marrëveshjen katër vjeçare të premtën, duke e marrë Noliton nga ekipi spanjoll, Celta Vigo.
Nolito ka luajtur për Barcelonën nga viti 2008 deri më 2011, kohë kur menaxher i ekipit katalan ishte Guardiola.
Ai ka qenë i angazhuar në të katër ndeshjet e Spanjës në Kampionatin Evropian që po mbahet në Francë.
Nolito ka deklaruar se ai mendon që “Pep Guardiola është një nga menaxherët më të mirë në botë. Ai e njeh mirë lojën dhe se do të më ndihmojë që të përparojë si lojtar”.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
