Jose Mourinho do Lionel Messin te Manchester United .Prej kohësh përfilet për një interesim të “Djajve të Kuq” për yllin e Juventusit Paul Pogba, por në fakt dëshira e madhe e Special One është ylli argjentinas i Barcës Lionel Messi. Sipas asaj që raportojnë mediat britanike, drejtues të Man.United, brënda 3 javëve të fundit kanë kontaktuar në tre raste sulmuesin, për ta bindur atë të transferohet në “Old Trafold”. Pesë herë fituesi i “Topit të Artë” shpesh ka deklaruar se nuk ka ndërmend ti japë lamtumirën Barcelonës, duke patur parasysh këtu dhe faktin se 28-vjecari ka një kontratë me kampionët e Spanjës, që e mban atë të lidhur më klubin deri në vitin 2018 dhe një klauzolë largimi që kap shifrën e 250 milionë Eurove. Me pak fjalë ndarja duket pothuajse e pamundur, por ajo që mund ti japi një tjetër drejtim situatës është procesi gjyqësor, në të cilin është përfshirë babai i sulmuesit, por edhe vetë Messi. Të dy ata akuzohen për evazion fiskal dhe në rastë se gjykata i shpall fajtorë, pritet që dënimi të jetë i rëndë dhe e vetmja alternativë që i mbetet argjentinasit është largimi nga Spanja.
