“Ka përfunduar koha Ronaldos, tani është ajo e Bale”

E publikuar: 05/06/2016 01:45
Rreshtat+- AShkronjat+- Printo

Ish reprezentuesi i Uellsit, John Hartson, mendon se është vetëm çështje kohe para se Gareth Bale të kalojë Cristiano Ronaldon për t’u bërë lojtari më i rëndësishëm te ‘Los Blancos’
Pritet që Bale të luajë në rol të rëndësishëm për Uellsin në Euro 2016, pas sezonit fantastik me Real Madridin ku fitoi Ligën e Kampionëve, të dytin pas tre viteve qëndrimi në Madrid.

Edhe përkundër se Cristiano Ronaldo vazhdoi me formën e tij të mirë duke shënuar 51 gola dhe dhuruar 15 asiste, në 48 ndeshje, Hartson beson se është koha që Bale të marrë primatin e të parit dhe të luajë një rol më të rëndësishëm se portugezi.

“Para se gjithash, Bale nuk është sulmues që shënojë shumë gola, ai është anësor, por jam i sigurt se Reali do të dëshirojë ta mbajë edhe më tej atë”, ka thënë Hartson

“Bale fitoi dy Liga të Kampionëve brenda tre viteve. Jam i sigurt se ata duan ta mbajnë atë për shkak të moshës së re. Natyrisht Ronaldo ka qenë fenomenal për shkak të gjithave që ka arritur dhe golave të shumtë që ka shënuar, por mendoj se është koha që Gareth Bale të shndërrohet në lojtarin më të rëndësishëm te Reali”, ka shtuar Hartson. /Express/