Janë publikuar disa pamje të cilat thuhet se tregojnë njeriun e njohur si “i mbijetuari i fundit i Amazonës”.
I njohur si ‘njeriu indigjen në vrima’, ai është kapur në video nga zyrtarë qeveritarë në shtetin brazilian të Rondonisë, shkruajnë mediat e huaja, përcjell Telegrafi.
Ai shihet gjysmë i zhveshur duke u përpjekur të rrëzojë një pemë dhe mendohet të ketë plantacione të misrit që rrethojnë kasën e tij të bërë nga pemët.
Siç thuhet më tej, ekspertët e zbuluan atë së pari në xhungël më 1996 dhe fytyra e tij u filmua vetëm për herë të parë në vitin 1998.
Ata mendojnë se ai ka jetuar i vetëm atje për 22 vjet. I moshuar në moshën 50 vjeçare, ai shpenzon shumicën e kohës duke gjuajtur derrat, zogjtë dhe majmunët me një hark dhe shigjetë.
Por kush është ky njeri?
“Njeriu indigjen në vrima” ose “njeriu i fundit” u pa për herë të parë duke jetuar një jetë të vetmuar në xhunglën e Rodonit në vitin 1996.
Ekspertët besojnë se ai ishte lënë vetëm kur pesë anëtarët e tjerë të fisit të tij u vranë nga fermerët.
Funai, agjencia qeveritare e Brazilit për çështjet indigjene, ka rregulla strikte që kufizojnë ndërveprimin me fisnorët e izoluar dhe të pakualifikuar, kështu që ata nuk e dinë se cili është emri i tij i vërtetë apo ai i grupit të tij origjinal.
Anëtarët e grupit kërkimor dhe konservues kanë monitoruar sjelljen e tij që nga viti 1996, por ai është parë vetëm në film një herë më parë – në një dokumentar brazilian të quajtur Corumbiara, në vitin 1998.
Ata thuhet se kontrollojnë rregullisht për të parë të gjallët dhe shpesh e gjejnë atë duke “ndërtuar” vrima në tokë, e cila është mënyra se si ai mori pseudonimin e tij – vrima këto që i përdor si “kurthe” për kafshët ose për t’u fshehur vet.
Ai kalon kohën duke prerë pemë, duke gjuajtur kafshë për të ngrënë dhe duke ecur i mbuluar vetëm me një leckë.
Njeriu i fundit, që supozohet të jetë rreth 50 vjeç, ka mini plantacionin e tij ku rritet papaja dhe misri.
Funai beson se ka 113 fise të pambrojtura që jetojnë në Amazonën braziliane, 27 prej të cilave janë parë. /Telegrafi/
