Silvio Berlusconi dha pëlqimin që të nisin bisedimet me grupin investitor kinez për shitjen e 70% të aksioneve të Milan. Vendimi i Berlusconi-t është bërë i ditur nga Fininvest me anë të një komunikate për mediat pas mbledhjes së jashtëzakonshme të këshillit drejtues. Ky është vetëm një hap ku nuk është e thënë që do të përfundojë me sukses. Koha për të vlerësuar ofertat që do të nisin nga 500 milionë euro do të jetë 45 ditë. Silvio Berlusconi është zotërues i Milan prej vitit 1986. Gjatë kësaj periudhe skuadra italiane ka fituar shumë trofe kombëtare dhe ndërkombëtare. Grupi i investitorëve kinez zotëron edhe një klub futbolli në Kinë, Guangzhou Evergrande. Mediat italiane shkruajnë prej kohësh për mundësinë e shitjes së Milan, por Silvio Berlusconi dëshiron ta kalojë në duar të sigurta.
