Nga Olympique Marseille te Chelsea për tu rikthyer në vëmendje tifozëve të Bluve të Londrës, Didier Drogba-në. Është Mitchy Batshuayi goditja e parë e madhe e Chelsea-it në merkaton e kësaj vere. Sulmuesi i talentuar belg është zyrtarisht një futbollist i skuadrës angleze me Chelsea-in që pagoi në arkat e Marseille-s plot 40 milionë Euro për të bërë të mundur kalimin e 22-vjecarit në Stamford Bridge. Pasi kaloi me sukses vizitat mjekësore Batshuayi firmosi një kontratë 4-vjecare me klubin e presidentit Roman Abramovich që do të mbajë të lidhur me Blutë deri në vitin 2020.
Në një intervistë për faqen zyrtare të Chelsea-it, talenti belg u shpreh shumë i lumtur që është bërë pjesë e Bluve të Londrës, duke shtuar se mezi po pret momentin të luajë në Premier League. “Eden Hazard dhe Thibaut Courtois dy shokët e mi në kombëtare më kanë folur shumë mirë për Chelsea-in, theksoi më pas sulmuesi”. Ajo e Mitchy Batshuayi është dhurata e parë e presidentit rus Roman Abramovich për trajnerin e ri të skuadrës londineze, Antonio Conte i cili pas disa ditësh pushim pas përfundimit të Europianit me Italinë do të prezantohet zyrtarisht te Chelsea në datën 14 Korrik. Batshuayi konsiderohet si një goditje për të ardhmen duke parë talentin e madh që zotëron 22-vjecari belg. Për ish lojtarin e Marseilles interesoheshin edhe Juventusi e Crystal Palace./supersport.al/
