Gareth Bale është njeriu i momentit të Uellsi dhe logjikshëm dhe lojtari më i kërkuar nga mediat në prag të ndeshjes cerekfinale me Belgjikën, që do të luhet këtë të premte. Nga salla e konferencave ylli i Realit të Madridit e cilësoi këtë përballje si më të rëndësishmen në historinë e vendit të tij:
“Pas cerekfinales në Botërorin e 1958 ndaj Brazilit, kjo është padyshim ndeshja më e rëndësishme në historinë e futbollit tonë. Ky fakt na bënë që të jemi të motivuar maksimalisht në prag të kësaj përballjeje, dhe të them të drejtën nuk kemi presion dhe kjo do të na ndihmojë që të luajmë të qetë dhe të japim më të mirën tonë me shpresën se do të sigurojmë një vend në gjysmëfinale. Sigurisht që Belgjika ka një skuadër shumë të mirë, por ne nuk do të kushtëzohemi nga loja e tyre dhe do t’i qëndrojmë besnik stilit tonë”.
Uellsi dhe Islanda janë dy surprizat e këtij Europiani, teksa në pjesëmarrjen e tyre të parë kanë arritur deri në fazën cerekfinale. Dy skuadra të vogla, që sipas Bale kanë ditur të shfrytëzojnë maksimalisht cilësitë e tyre:
“Mendoj se te ecuria jonë dhe e Islandës ka ndikuar shumë përgatitje fizike që dy ekipet kanë bërë. Uellsi e ka marrë me qetësi këtë Europian dhe pa emocione dhe realisht ne kemi shijuar cdo minutë. Nëse nuk ke presion luan shumë më mirë dhe besoj se kjo ka ndikuar si te ne gjithashtu dhe te Islanda”.
Në fund dhe një shaka e Bale, mbi pyetjen e gazetarëve se a do të humbasë dicka nga jeta e tij private në rast se Uellsi do të arrijë deri në finale, sic do të ndodhë me kolegun e skuadrës Chris Gunter, që nuk do të ishte I pranishëm në dasmën e vëllait të tij:
“Besoj se në këtë aspekt jam treguar më I zgjuar se të gjithë, pasi nuk kam bërë plane deri me datë 11 korrik”./ss/
