Bale-Ramsey: Bëmë realitet një ëndërr, nuk ndalemi!

E publikuar: 21/06/2016 11:36
Rreshtat+- AShkronjat+- Printo

Gareth Bale u shfaq i entuziazmuar në përfundim të takimit me Rusinë, që i dha kreun e Grupit B Uellsit, duke lënë pas madje edhe Anglinë. Futbollisti i Realit të Madridit kujtoi se kishte bërë realitet një ëndërr, që në debutimin e përfaqësueses së tij në Europian.

“Kjo është një arritje e madhe. E dimin që gjithcka ishte në dorën tonë dhe se duhet të ecnim përpara. E kam thënë edhe më parë, që kishim mundësi për t’ia dalë mbanë. Kjo ishte ndeshja më e mirë që kur jam pjesë e Uellsit, mënyra më e mirë për ta mbyllur fazën e grupeve. Nuk mund të kërkonim më shumë. Për të gjithë ne është një ëndërr e kthye në realitet. E dinim që duhet të bënim një sforcim dhe e arritëm objektivin.”

Nuk e fsheh lumturinë edhe Aaron Ramsey, autor i golit të parë në fitoren 3-0 me Rusinë. Sipas futbollistit të Arsenalit, Uellsi e arriti objektivin kryesor, me kalimin e grupit, por nuk dëshiron të ndalet me kaq.

“Është një ndjenjë fantastike të shënosh në këtë kompeticion. Bëmë një debutim të mrekullueshëm më Europian, e arritëm objektivin tonë të parë. Bëmë krenarë tifozët tanë. Tani shpresojnë të shkojmë sa më larg, gjithcka është e mundur.” /supersport.al/