Shkrim me shkas
Do kisha qenë shumë kureshtar të di; kush, ku dhe kur u përdorur kjo thënie së pari! Shakasë i kësaj kureshtje time, ja që u bë një intervistë që po qarkullon në gazeta dhe portale e një drejtori tepër famëkeq dhe kriminel të Burgut të Mitrovicës së Sremit, Trivun Ivkoviç. Shpesh herë e kam menduar zhdukjen e të madhit Ukshin Hoti, dhe për çudi intuita ime sikur më qonte aty ku krimineli Ivkovic u kthye vet!
Enver Dugolli
E kam biseduar edhe me disa shokë ish të burgosur këtë gjë, por mjerisht nuk e qova deri në fund hulumtimin apo shpalosjen e kësaj intuite. Duke u nisur nga thënia që e nisa këtë shkrim, po bindem se kjo thënie është konstatimi me i saktë që kam hasura ndonjëherë, prandaj mirë kam bërë që nuk e kam shpalosur me gjatë intuitën për ti lënë hapësirë këtij krimineli të kthehet me herët aty ku beri krimin. Pra, qenka në pyetje vetëm koha, dhe krimineli shfaqet vet te vendi i krimit. Duke lexuar dhe analizuar intervistën e tij, po bindem plotësisht se ky është njëri nga ata kryesoret që organizuan vrasjen dhe zhdukjen e Ukshin Hotit. Broçkullat e kriminelit Trivun Ivkoviç që gjoja vrasjen e Ukshin Hotit e realizuan kundërshtaret politik të tij që të mos behet president i Kosovës, nuk i beson askush, e aq më pak ne të burgosurit politik që patëm fatin të rrimë dhe të njihemi me të madhin Ukshin Hoti, ne Burgun e Mitrovicës së Sremit dhe në Kampin e Instaluar të Përqendrimit në Dubravë. Duke lexuar intervistën e këtij krimineli (edhe pse nuk dua që ti kujtoj, janë shumë shumë të hidhura), u riktheva në ato vite të tmerrshme të vuajtjeve të shumta, të torturave sistematike dhe të poshtërimeve që ky kriminel zbatonte ndaj nesh. Personalisht për këtë drejtor tepër të fuqishëm në atë kohë, nuk kishte orar të rregullt të punës, ai vinte (me gjasë edhe flinte aty) me “surpriza” të ndryshme për ne në çdo kohë! Natë apo ditë, mëngjes apo mbrëmje nuk kishte rendësi! Ai kujdesej personalisht që torturat, shtazarake të gardianëve që i komandonte dhe instruktonte, të zbatoheshin sipas planit dhe qejfit të tij! Kishte gandian (një zeshkan që emrin ja kam harru por që ishte me përkatësi hungareze) që nuk kënaqeshin dhe nuk donin të na torturonin, por në një moment ai gardian vjen ne qeli time dhe me thotë: “Dugolli, e di që është e pa drejtë, nuk ke bërë asgjë në kundërshtim me rregullat e burgut, por kam urdhër të të torturoj!” E shohë nga pamja se nuk kishte dëshirë të me torturonte dhe me keqardhje më thotë: “më beso, që në mbrëmje do vjen drejtori dhe do të viziton, dhe po nuk ta pa trupin tënd të ënjtur dhe të nxirë nga torturat, mua do me pushoj nga puna, me fal Dugolli, kam fëmijë dhe me mbesin pa bukë” u shpreh djaloshi me pak mustaqe dhe filloj “punën”! Dhe ashtu ndodhi, në mbrëmje vjen drejtori Ivkovoc dhe me urdhëron që të heq të gjitha rrobat e trupit dhe shikon trupin tim të dërmuar! I kënaqur me atë që pa, u drejtohet gardianëve dhe kolegeve të vet “nishta” asgjë, ke rene nga krevati, je rrezuar dhe ke lënduar trupin! Këtë ua thoshte aktivistëve të Kryqit të Kuq Ndërkombëtar që na vizitonin kohë pas kohe të cilët kur na shihnin ata të mavijosur, ai u thoshte se janë rrezuar nga krevati! Kjo që po shpalosë, është vetëm një pjesëz shumë e vogël e gjërave të tmerrshme që dizajnonte dhe zbatonte ky njeri i çmendur!
Nuk po dua me shumë të rëndoj lexuesit me këto përjetime të tmerrshme të mijat dhe të te gjithë të burgosurave që ishim aty nga prill vitit 1998 deri kah mesi prill 1999, po dua të kthehem aty ku e nisa, te rasti i Ukshin Hotit! Baca Ukë, ashtu e quanim ne, është trajtuar tepër keq nga po ky drejtor, që tani gjoja flet me një ndjenjë miradije ndaj tij!! Ky far krimineli që ende shëtit i lirë, kurrë, ama kurrë, nuk ka pas një komunikim normal me Bacën Ukë! Po flas gjatë kohës që kanë filluar bombardimet, se vetëm atëherë e kanë bashkuar me ne të tjerët Bacën Ukë, sepse para fillimit te bombardimeve Bacën Ukë e kanë mbajtur të ngujuar dhe veçuar diku aty por nuk e kanë lënë fare të kontaktoj me ne të tjerët që kemi qenë rreth 45 veta! Momenti kur e kanë sjellë profesor Ukshin Hotin në dhomën ku kemi qenë ne (ishte një dhomë e madhe që nxinte rreth 50 veta), baca Ukë ka qenë shumë i tmerruar nga ato që kishte përjetuar atë kohë që mbahej i ndarë nga te burgosurit tjerë. Tmerri që kishte përjetuar shihej nga qëndrimi, heshtja dhe sjelljet e para të Bacës Ukë! Drejtori Kriminel Ivkovic, kishte zbatuar lloj lloj torturash dhe poshtërimesh ndaj Ukshin Hotit! Ai e urrente bacën Ukë për vdekje! Vizitat që na i bënte ky drejtor kriminel me kriminelin e luftës Arkanin, ishin sinjale të këqija për ne! Ato sinjale na përcollën gjithkund, të gjithëve, por me theks te veçanet bacën Ukë! Tani po e kuptoj me shumë prapavijën e torturave që na i bënin me arsyen që ne UCK-ja nuk e paskemi dëgjuar Rugovën, dhe ja tani çka ju pret! Shpesh herë kur e rrihnin me mjete të ndryshme dhune bacën Ukë, gardianet bisha të instruktuar, çirreshin duke thënë; ti je ai që po donë me ja nxënë vendin Rugovës, etj…! Maksima “përçaj dhe sundo” ka përfunduar, ne të gjithë duhet të punojmë fort dhe t’i demaskojmë qëllimet e armiqve tanë që natën na vrasin dhe ditën na vajtojnë duke synuar që krimet e tyre të ushtruar ndaj nesh t’i adresojnë sikurse qërim hesapesh!
Dhe për fund, pa dashur që t’u mërzis më shumë, i bej thirrje drejtësisë vendore dhe ndërkombëtare, të kapet ky njeri-kriminel dhe të dënohet për krimet e kryera ndaj te burgosurve shqiptar, por me theks të veçanet ndaj rastit të Ukshin Hotit! E them me përgjegjësi te lartë njerëzore dhe ligjore se ky njeri për të fshehur gjurmët e krimeve dhe torturave ndaj Ukshin Hotit, ka organizuar edhe likuidimin e tij jo shumë larg nga dalja nga Kampi i Dubraves! Unë jam i bindur se drejtësia vonon por del në shesh, prandaj po besoj shumë ka ardhur koha e zbardhjes së vrasjes dhe zhdukjes së Ukshin Hotit! Kapja e këtij krimineli që sot mundohet të shpifë teza rreth vrasjes së Ukshin Hotit do ndihmonte shumë, jo vetëm me rastin Hoti, por edhe me shumë krime shtetërore serbe që kanë ndodhur në burgjet dhe kampet serbe! Krimineli gjithmonë kthehet te vendi i krimit, Trifun Ivkovic u kthye! Drejtësi bëje punën, krimineli po pret!
Enver Dugolli
(ish i burgosur politik në Burgun e Mitrovicës së Sermit dhe i më shumë burgjeve…)
