Kryeministri Albin Kurti, pasi ka pranuar Raportin e Progresit të Komisionit Europian për Kosovën nga ambasadori i Bashkimit Europian në Kosovë, Dirk Schuebel, kanë dalë në një konferencë të përbashkët për media.
Kurti tha se pas një periudhe të ngërcit politik, “i cili përkon me pjesën më të madhe të periudhës kohore që e mbulon ky raport, me 6 tetor zgjodhëm presidenten duke i dhënë fund persëritjes së zgjedhjeve të panevojshme e të kushtueshme”.
Në fillim të konferencës Kurti tha se Integrimi në BE mbetet prioritet i yni afatgjatë.”
“Pozita e Kosovës në procesin e anëtarësimit nuk e përfaqëson progresin që kemi bërë..Kosova meriton të marrë statusin e shtetit kandidat për anëtrësim, pas një muaji bëhen katër vjet që nga aplikimi. Kosova mbetet i vetmi vend në BP pa statusin e vendit kandidat….Ambasador më lejoni ta ripërsëris kërkesën tonë për dorëzimin e pyeësorit rreth aoplkikimit tonë që të hapet rruga për statusin kandidat dhe çeljen e negociatave”, tha ai.
Sa i përket Raportit të Komisionit, Kurti tha se “niveli i përgatitjes nuk ka rënë në asnjë fushë…komisioni nuk konstaton kthim prapa askund”.
“Në luftën kundër krimit të organizuar niveli është ngritur”, sipas Kurtit.
“Progresi është vlerësuar në reformën e administratës publike, drejtësi, liri, siguri, statistika, menaxhimin e fondeve të BE dhe në lirinë e shprehjes”, vijon ai.
“Zgjedhjet janë vlerësuar si paqësore dhe të mirëmenaxhuara”, shton Kurti.
Ai foli edhe për progres në siguri.
Derisa në luftën kundër korrupsionit, raporti konstaton se “në rastet e nivelit të lartë rezultatet nuk janë aty ku duhen të jenë dhe këtë vërejtje e marrim seriozisht”, tha Kurti.
“Por thotë dobësia kryesore qëndron te zbatimi dhe dënimi, jo te korniza ligjore, mbaron citati”, citoi Kurti.
Ai foli edhe për progres në ekonomi.
