Wayne Rooney, kapiteni i Anglisë, do të pensionohet nga futbolli ndërkombëtar pas Botërorit Rusia 2018.
Sulmuesi i Manchester United, Wayne Rooney ka vendosur që të pensionohet nga përfaqësuesja e Anglisë pas Botërorit Rusia 2018.
“Pas Rusisë, ndjej se është koha t’i them lamtumirë futbollit ndërkombëtar”, ka thënë Rooney, i cili ka shënuar 53 gola në paraqitjet për Anglinë.
“E kam vendosur. Por, janë edhe dy vjet në pyetje. Kam pasur karrierë fantastike ndërkombëtare deri më tani. E kam shijuar çdo moment”, shtoi ai.
Nëse kapiteni luan në kualifikimet e Botërorit të dielën kundër Sllovakisë, ai do të thyejë rekordin e David Beckhamit si lojtari që ka mbajtur më së gjati shiritin e kapitenit të Anglisë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
