Barcelona mori një goditje të rëndë në miqësore nga Liverpooli, me katalanasit që u mundën me rezultatin e thellë 4-0 pas një ndeshje ku katalanasit kontrolluan lojën por anglezët shënuan golat madje duke turpëruar ekipin e Enriques. Me Messin në formacionin titullar por dhe Suarezin, Turanin dhe Vidalin, Barcelona në pjesën e parë u ndëshkua nga një gol i Sane në minutën e 15-të. Në pjesën e dytë Enrique ndryshoi shumë emra në fushë ashtu sic bëri dhe Klopp në fakt, por stoli i anglezëve rezultoi më efikas se ai i blaugranave, madje në të 47-të, Mascherano i “dhuroi” dhe golin e dytë Liverpoolit duke dërguar topin në rrjetën e tij. Vetëm vendosja e topit në qendër mjaftoi që Liverpool të niste një tjetër aksion goli me Origin që shënoi për herë të 3-të. Rezultati përfundimtar ndërkohë u vendos në minutën e 93-të kur Grujic me një pasim të Markovicit shënoi dhe golin e 4-0 për një humbje të rëndë për blaugranat, edhe pse e arritur në një miqësore./supersport.al/
