Komiteti Olimpik i Arabisë Saudite ka miratuar dërgimin e katër atleteve femra në Lojërat Olimpike Verore në Rio de Zhaneiro.
Kjo është vetëm hera e dytë që gratë saudite marrin pjesë në Olimpiadë. Për herë të parë, ato kanë marrë pjesë në Lojërat e Londrës më 2012.
Gratë saudite përballen me pengesa të mëdha gjatë praktikimit të sportit në vendin e tyre, pasi duhet të mbulojnë gjithë trupin me rroba.
Palestrat dhe qendrat e stërvitjeve për gratë janë të pakta në Arabinë Saudite, edhe pse qeveria ka thënë se licencimi i “sallave sportive” për gra është një qëllim që duhet të arrihet deri në vitin 2020.
Lojërat në Rio nisin në muajin gusht./rel/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
