Adriano Galliani nis misionin për përforcimin e skuadrës. Administratori i Deleguar i Milanit ka udhëtuar drejt Spanjës me objektivin për të arritur akordin me Villarrealin për transferimin e qëndërmbrojtësit Mateo Musacchio te kuqezinjtë. Bisedimet mes Milanit dhe drejtuesve të Nëndetses së Verdhë ndodhen në një fazë të avancuar megjithatë nevojiten të tjera kontakte që 25-vjecari argjentinas të vendoset në dispozicion të trajnerit Vincenzo Montella. Për të bërë të mundur transferimin e Musacchios në San Siro, Galliani nuk dëshiron të shpenzojë më shumë se 20 milionë Euro.
Kuqezinjtë e kanë arritur tashmë marrëveshjen me agjentin e mbrojtësit por mbetet për t’u bindur përfundimisht edhe klubi i Villarrealit. Kluazola e largimit të Musacchios nga El Madrigal kap shifrën e 50 milionë Eurove por mesa duket edhe drejtuesit e Villarrealit kanë ulur disi pretendimet e tyre ekonomike. Dy lojtarë të tjerë që luajnë në La Liga dhe që pëlqehen nga Milani janë edhe mbrojtësi me origjinë shqiptare Shkodran Mustafi dhe spanjolli Alvaro Arbeloa. Përsa i përket mesfushorit Jose Sosa, Besiktasi nuk kërkon ta lërë të lirë edhe pse vetë lojtari ka deklaruar së dëshiron të largohet nga Turqia pasi i trembet ndonjë sulmi të mundshëm terrorist. Por te Milani po punojnë edhe përsa i përket merkatos në hyrje me Carlos Baccën që vazhdon të mbetet kandidati kryesor për t’u larguar nga kuqezinjtë.
