Zlatan Ibrahimovic është dëshira e madhe e Milanit për merkaton e verës, por vështirë se shtatlarti suedez do të transferohet te kuqezinjtë, jo sepse Ibra nuk është dakort me një transferim të tillë, po për faktin se kuqezinjtë nuk kanë mundësi finaciare për të rikthyer në skuadër ish sulmuesin e Paris Saint Germain. Dicka të tillë e ka zbuluar për mediat adiminstratori i deleguar i Milanit Adriano Galliani. Ky i fundit në një intervistë ka theksuar se për të nuk është problem të takohet me menaxherin e suedezit Mino Raiola, por të paguajë Zllatanin.
Galliani foli edhe kroatin e Realit, Mateo Kovacic e ardhmja e të cilit është lidhur shpesh me Milanin gjatë ditëve të fundit. “Të shohim se cfarë do të ndodhë”, u shpreh administratori i deleguar kur u pyet për këtë temë. Për Karim Benzema, Galliani tha se nuk ka patur asnjë kontakt mes bomberit francez dhe klubit kuqezi, ndërkohë që shprehu keqardhjen që Fernando Torres u largua pa lënë gjurmë nga Milani teksa tashmë po shkëlqen me Atleticon e Madridit. Merkato ishte cështja kryesore e diskutimit të Gallianit me gazetarët, me drejtuesin e 7-herë kampionëve të Europës që zbuloi se e ardhmja e Stephan El Shaarawy-it është në dorë të Romës që brenda datës 21 dhe 22 Qershor duhet të vendosë nëse do ta blejë përfundimisht kartonin e Faraonit.
