Simeone nuk e fsheh rëndësinë e momentit profesional si trajner tek Atletico Madrid. Argjentinasi e konsideron si një moment historik finale e dytë të Ligës së Kampioneve:
“Duke punuar përditë dhe në kërkim të alternativave, çdo gjë shkon mirë, në mënyrë të natyrshme. Aq më tepër për një skuadër me shpresa të mëdha.
Diferenca më finalen e Lisbonës? Situatat janë të ndryshme. Asokohe ishim duke fituar kampionatin, ndërsa tani vijmë si të tretët në La Liga, pas një sezoni të bukur.
Pritshmëria është e rëndësishme, sepse do të luajë kundër një kundërshtari me lojtarë fantastikë, që është në mesin e tri ekipeve më të mirë në botë. Ne do të përpiqemi të luajmë në stilin ku ndihemi më të rehatshëm, patjetër duke treguar kujdes të veçantë në mbrojtje. Është diçka e madhe të luash dy finale të Ligës së kampioneve në tri vite. Kjo është shumë e rëndësishme”, është shprehur Simeone. /albeu.com
