Milani mori një fitore të rëndësishme 1-0 ndaj Torinos, duke vijuar rikuperimin në kërkim të një vendi në Champions, tanimë skuadra e Mihajlovic është vetëm një pikë pas Interit që do të ketë një përballje të vështirë në shtëpinë e Juventusit. Ndeshje me emocione dhe raste në San Siro ku Hondës në të 26-tën i mohoi golin vetëm traversa, Torino reagoi në të 29-tën me Belottin që gjeti në thelllësi Imobilen, i cili nuk arriti të gjente rrjetën kur ishte ballë për ballë me Donnarumman. Milani gjeti avantazhin në fundin e pjesës së pare me Antonellin që shënoi pas një goditje këndi golin vendimtar të takimit.
Goli i 7 për Milanin nga goditjet e këndit, situatë ku ka shënuar më shumë se cdo skuadër në Serinë A. Skuadra e Mihajlovic pa edhe një gol t’i anullohej me të drejtë në minutën e 61 kur Bacca është në pozicion të dukshëm jashtë loje. Torino kërkoi me ngulm golin e barazimit, por nuk ia doli edhe pse Donnarumma po tregon cdo ndeshje më shumë aftësitë e tij si në një goditje të bukur të minutës së 72-të nga Immobile dhe Milani ja doli të merte një fitore të rëndësishme që udhëheq ambiciet e kuqezinjve për Championsin pas një sezoni të nisur në mënyrë zhgënjyese./ss/
