Pasi pranoi publikisht se prej 4 vitesh ishte i diagnostikuar me HIV-AIDS, Charlie Sheen po përballet me padi ligjore në drejtim të tij dhe sulme nga ish-partneret, të cilat në fakt janë të shumta. Disa orë pasi aktori hollivudian, pranoi live, i ftuar në emisioni ‘Today’, se ishte bartës i virusit vdekjeprurës dhe se të gjitha partneret e tij ishin në dijeni për këtë fakt, ish e dashura e aktorit, Bree Olson në një tjetër televizion bëri një rrëfim krejt tjetër të situatës.
Ajo tha se Sheen nuk i kishte treguar kurrë, në asnjë moment të lidhjes së tyre se ishte bartës i HIV-AIDS, ndërsa më vonë në një tjetër intervistë televizive tha: ‘Ai është një monstër’.
Gjithashtu, një tjetër ish e dashur e aktorit, Natalie Kenly, përgënjeshtroi deklaratat e tij, duke pohuar se ai asnjëherë nuk i kishte thënë se ishte HIV pozitiv.
(gazeta-Shqip.com)
