Zyrtarët e Venedikut të Italisë, po konsiderojnë masë ndalese për turistët që ulen nëpër rrugë, në përpjekje të ndalojnë vizitorët e ‘bezdisshëm’.

Autoritetet e qytetit të famshëm turistik, propozuan dënime prej 50 deri në 500 euro, për ata që ulen apo shtrihen nëpër rrugët dhe rrugicat kryesore, transmeton Telegrafi.

Mirëpo, kjo po kundërshtohet nga disa banorë, të cilët po thonë se Venediku ka aq shumë rregulla, që policët po e kanë të pamundur t’i ndalojnë.

Venediku i mahnitshëm, por edhe em shumë rregulla

Tashmë është e ndaluar e të ulurit nëpër shkallët e monumenteve dhe godinave tjera në sheshin e Shën Markut.

Propozimi i ri, që është nxjerrë prej kryetarit Luigi Brugnaro, do ta zgjerojë masën e ndalesës dhe mund të hyjë në fuqi gjatë muajit që vjen, po që se aprovohet nga këshilltarët komunal.

“Ka aq shumë gjera të ndaluara në Venedik, sa që nuk mbetet shumë për të bërë. Po që se miratohet edhe ky ligj, nevojiten edhe 5,000 policë për të mbajtur rendin”, ka thënë një përfaqësues i banorëve.

Nëse aprovohet edhe ky ligj, mbrojtësit e rendit duket t’i ndjekin edhe ata që ulen në rrugë, krah të tjerëve që hanë, janë të dehur, apo fusin këmbët apo lahen në shatërvanët e famshëm. /Telegrafi/